مسلسل تامر ومى(احنا اخوات)جزء اول وثاني

النهار دة جبتلكم مسلسل خيالى لتامر ومى




عجـبنى قـولت تشـوفه ..
مسلسل تامر ومى ( احنا اخوات )





تعالو معايا نقراء الاحداث كامله وحصريه
يستيقظ تامر حسنى فى الصباح الباكر من بعد نومآ عميق
يفطر ويروق ويستعد لمواجة يومه

يأتى فجأه اتصال هاتفى
تامر : يا ترى مين الرزل اللى بيتصل بيه ع الصبح ده اما اروح ارد وامرى لله
تامر : الووووو مين معايا ؟
مى : صباح الخير
تامر : صباح الفل
مى : ازيك يا تامر
تامر : الحمد لله تمام
مى : انت مش عارفنى ولا ايه ؟
تامر : لا والله مش واخد بالى اصلى لسه صاحى من النوم
مى : طيب حاول تفتكر كده صوت مين ده
تامر : مممممممم مش عارف .... ( الله ما طولك يا روووووووووح )
مى : انا مى يا تامر
تامر : مى مين انا اعرف مليون مى انتى مين فيهم ؟
مى : تصدق انت خاين بقى مش فاكرنى ؟
تامر : هعهعهعهعهعععععع خاين ايه بس هو انتى كنتى مراتى ؟
مى : لا مش مراتك بس حاول تفتكر بس
تامر : طب ما تقوليلى انتى مين وتريحينى وتريحى نفسك حرام انا عندى تصوير
مى : تصوير ايه بس يا تامر يا حبيبى اهم حاجه صحتك
تامر : الله الله الله كمان حبيبك وخايفه ع صحتى دى احلوت اوى هووووو دااااااااااااااا
مى : استمر بقى ؟
تامر : هعهعهعهععععع طبعآ استمرى بقى
مى : بقى مش عارف انت كنت بتقولها لمين الجمله دى فى فيلمك ؟
تامر : انهو فيلم بضبط ؟
مى : يا سلام والله محسسنى انك عامل 500 فيلم !! هو كام قيلم عامله اساسآ قال مش فاكر
تامر : اه اه يا خبررررررررررر انتى مى عز الدين ؟
مى : اه تخيل
تامر : هعهعهعهعهعععع طب مش تقولى يا مى بدل ما انتى وجعالى دماغى كده
مى : اقول ايه بقى تبقى معايا امبارح باليل واكلمك دلوقتى مش عارف صوتى يا واتى
تامر : معلش بقى اصلى لسه صاحى من النوم
مى : ماشى هعديها .. المهم ايه انا عايزه اشوفك النهارده بقى
تامر : ليه خير ان شاء الله
مى : ليه ايه بقولك عايزه اشوفك يا تامر ع فكره انت بقيت غريب جدآ اوووووووف
تامر : اووووف ايه ؟ هو انتى بتطفى شمعه
مى : لا ابدآ احنا عندنا كهربا
تامر : يا سلام خفه خفه يعنى
مى : اه خفه المهم عايزه اشوفك النهارده يلا انجز
تامر : حاضر هخلص تصوير بس وهكلمك ع الموبيل ونتقابل
مى : اوك بس مش تنسى
تامر : لا مش هنسى يلا بقى بااااااى
مى : اوك باى

ومن بعد المكلمه الطويله دى تامر فضل ينفخ فى سره ايه القرف ده ايه الزفت ده
حرام ده ايه الصداع اللى ع الصبح ده
المهم تامر بيجهز نفسه عشان نازل بقى عنده تصوير فيلم
لبس وكله تمام وراح التصوير وخلص شغل وجى اخر النهار واتصل بيها

تامر : الووووو
مى : ايوه مين معايا ؟
تامر : انا تامر
مى : تامر مين بضبط انا اعرف 10 ألاف تامر انت مين فيهم
تامر : يا دى النيله انا تامر حسنى
مى : ههههههه ما انا عارفه بس بعمل فيك اللى عملته فيا الصبح
تامر : المهم يلا انا خلصت تصوير
مى : اوك يلا بينا انا مستنياك فى الكافيه
تامر : اوك سلام

وذهب تامر حسنى فى المعاد بالسياره الهامر بتاعته متجهآ اللى الكافيه
وفى الطريق وقفت اشاره المرور فى الشارع
وقعد يتكلم مع السواق بتاعه

تامر : يا دى العطله بقى دى بقت حاجه تخنق ما تنزل يا بنى تشوف في ايه
السواق : الاشاره وقفه حضرتك
تامر : يا سلام يا خفه ما انا عارف انها واقفه يا خفيف اتنيل انزل شوف فى ايه
السواق : وانزل ليه حضرتك ما كل الناس واقفه زينا عادى
تامر : يا لمض ما تنزل تسأل بتاع المرور فى ايه
السواق : اوووووف امرى لله ادينى نازل
تامر : اووووووف ايه بس الله يخرب بيتك هو ايه حكايت اوووووف النهارده جتكم نيله
السواق : انا نازل اهو
تامر : طيب يلا مش تتأخر

السواق نزل من العربيه وسأل بتاع المرور هو فى ايه ليه السكه واقفه ؟
العسكرى : لا ابدآ فى حادثه قدام والطريق كله واقف
السواق : طب مش ينفع نعدى اصل الفنان تامر حسنى معايا
العسكرى : ان شا الله حتى لو كان مين وانا مالى
السواق : وانت مالك ازاى يا عم حاسب ع كلامك
العسكرى : والنبى ؟؟؟ طب يلا امشى من قدامى دلوقتى
السواق : مالك يا عم بتكملنى كده ليه ؟
العسكرى : اومال عايزنى اكلمك ازاى يعنى مش فاهم
السواق : براحه شويه مش كده
العسكرى : حاضر
السواق : طب ايه مش هتعدينا ولا ايه ؟
العسكرى : انت عبيط
السواق : طب ليه الغلط ده
العسكرى : علشان انت مش بتفهم
السواق : لا حول ولا قوه الا بالله
العسكرى : الله ما اطولك يا روح يا عم غور من وشى بقى
السواق : اعرف انت بتقول ايه بضبط , انا بقولك عدينى
العسكرى : حاضر بس قولى الاول معاك برشوت فى العربيه ؟
السواق : برشوت ليه هو احنا راكبين طياره
العسكرى : اه طبعآ اومال هتعدى ازاى يا فالح مش لازم برشوت
السواق : مممممممم لا والله مش معايه
العسكرى : طيب العربيه بتاعك ليها جناحات
السواق : جناحات ايه بس هو احنا راكبين حمامه
العسكرى : اه اومال ايه , ما انت عشان تعدى لازم تتطير من فوق العربيات دى كلها
السواق : اه ده انت بتتريق بقى طب سلام

من بعد الحديث ده رجع تانى السواق لتامر حسنى فى العربيه
وبكده يكون الجزء الاول خلص من قصه تامر ومي ( احنا اخوات


الجزء الثانى
رجع السواق لتامر فى العربيه من بعد حديثه مع عسكرى المرور

تامر : عملت ايه يا فالح
السواق : معملتش اي حاجه العسكرى فضل يتريق عليا ويقولى معاك برشوت ؟
تامر : برشوت ؟ ايه هو احنا راكبين طياره
السواق : وانا مالى بقى ده هو اللى بيتريق عليا اعمله ايه
تامر : طيب اتنيل اركب وخليك ساكت لما نشوف هنعدى امتى فى اليوم النحس ده
السواق : حاضر
تامر : تفتكر مى هتكون لسه قاعده ولا مشيت عشان اتأخرت عليها
السواق : اكيد اكيد اكيد لازقه
تامر : هههههههههه يا خفه ايه لازقه دى
السواق : قاعده يعنى مستنيه هتروح فين دى ممكن تنام على الطربيزه وهى قاعده مستنيه
تامر : ليه يعنى معندهاش سرير فى بيتهم
السواق : لا انا اقصد انها مش عايزه تمشى وفضلت مستنيه لغايت ما نامت على روحها هناك
تامر : ممممممممم احتمال برضه
السواق : لاء ده مش احتمال ده اكيد
تامر : وايه اللى اكده يا فالح ايه كنت قاعد معاها ؟
السواق : لاء بس انا عارف كده
تامر : طيب يا ابو العريف اتنيل واقعد ساكت لما نشوف اخرتها
السواق : خير ان شاء الله
تامر : هو انت طول ما انت معايا بشوف خير ابدآ يا ساتر عليك من ساعت ما اشتغلت عندى وكله بقى تمام
السواق : ليه كده بس هو انا عمتلك ايه
تامر : يا سلام كل ده ومعمتلش حاجه ده انا مستقبلى ادمر حتى الفيلا اتحرقت يا فقرى يا نحس
السواق : وانا مالى حضرتك ب الفيلا يعنى هو انا اللى حرقتها وجبت عود كبريت وتشك تشك وولعت فيها
تامر : لا طبعآ علشان محدش بيستخدم كبريت دلوقتى يا غبي
السواق : هييييييييييييييييه السكه فتحت
تامر : اووووووووف اخيرآ طيب اتنيل اطلع بقى يارب نلحقها
السواق : حاضر ان شاء الله نلاقيها

ومشى هو والسواق والأشاره والسكه فتحت
لغايت ما وصلو لغايت الكفاتيرا عند مي عز الدين

تامر : يلا انزل افتح الباب خلينا نشوف اليوم اللى مش فايت ده
السواق : حاضر

ودخل تامر الكفاتيريا ولاقى مي قاعده على الطربيزه وبتبص حواليها
وقام تامر جاى من وراها وجى بحركته الشهيره هوووووو دااااااااا
ومي طبعآ صرخت ويانا ويا خرابى ويا دهوتى

تامر : ههههههههه اتخضيتى
مي : حرام عليك اللى بتعملو فيا ده يا تامر
تامر : حرام ليه بس
مي : اقعد استناك ساعتين كده
تامر : والله السكه كانت واقفه يا مي وجيت بالعافيه معلش
مي : ماشى هعديها المره دى المهم عامل ايه
تامر : الحمد لله
مي : الحمد لله يارب ديمآ
تامر : ايوه بقى كنتى عايزه تشوفينى ليه بقى
مي : ليه بقى ايه بلاش اشوفك يا تامر واحشنى وعايزه اشوفك بلاش
تامر : يعنى انتى جيبانى ع وشى وبهدله وتعب ولسه خارج من التصوير عشان تقوليلى وحشتنى
مي : اه بلاش اقولك وحشتنى يا تامر
تامر : والله كان ممكن تقوليلهالى فى التلفون ولا نأجل المعاد ده لوقت تانى
مي : ونأجله ليه يا تامر
تامر : عشان انا كان عندى تصوير وجايلك متبهدل اهو وتعبان
مي : معلش دلوقتى تروح ترتاح
تامر : طيب يلا بينا عشان انا مش قادر هروح واخدك فى سكتى
مي : حاضر يلا

وخرجو هما الأتنين وركبت مي مع تامر العربيه وهيوصلها قبل ما يروح

تامر : يلا يا جزمه اطلع بينا
السواق : على فين ان شاء الله
تامر : على بيت مي الاول هنوصلها وبعدين نروح
السواق : حاضر توكلنا ع الله
مي : انما انت مالك يا تامر متعصب ليه كده النهارده انت مش سعيد انك شوفتنى
تامر : لا طبعآ سعيد جدآ
مي : مش باين يعنى
تامر : اومال باين ايه يا مى
مي : باين انك مش طايقنى بصراحه
تامر : مش طايقك ازاى ما انا اهو عادى
مي : هو كده عادى ؟
تامر : اه يا مي انتى مكبره الموضوع ليه ما انا قولتلك كان عندى شغل وراجع تعبان ومرهق
مي : طيب يا تامر برحتك
تامر : اووووووووووف
مي : اووووف ..؟ هى حصلت يا تامر بتقولى انا اووووووووف
تامر : لا يا ستى ده انا بتاوب بس عايز انام
مي : اه هى بقت كده طب ماشى
السواق : يا دى اليوم اللى مش معدى الاشاره قفلت تانى يا تامر
تامر : اهلآ كملت انا عارف انه يوم اسود ومنيل ب 60 نيله
مي : يا ساتر يارب ليه بتقول كده
تامر : يعنى منتش شايفه ولا سامعه بيقولك الاشاره قفلت تانى
مي : وفيها ايه يعنى دلوقتى تفتح
تامر : دلوقتى تفتح ...؟ هههههههه ابقى قابلينى دى قدامها مش اقل من ساعتين كمان
مي : ممممم ربنا يسهل بس
تامر : انزل يا جزمه شوف فى ايه تانى
السواق : لا حول ولا قوة الا بالله حاضر ادينى نازل

.................................................. ......................

انتظروا الجزء التالت بقى ...