يوميات تامر والمعجبين( الجزء الرابع )

الحلقات دي هدفها الأساسي إن حنا نبص على نفسنا من خلالها
ونحاول نصلح اللي نقدر عليه
الفكاهة آه شيء لكن القيمة الأدبية والأخلاقية أهم
فيا رب ماكونش ضيفة ثقيلة عليكم أسيبكم مع الجزء الرابع
تامردخل البيت وطلع أوضته
طنط فاطمة :إنت جيت يا تامر
تامر:آه يا حبيبتي
طنط فاطمة:ها إحكيلي عملت إيه
تامر:زي العادة يا حبيبتي ما فيش جديد زي كل مرة ماكنش ناقص إلا إننا نجيب البوليس عشان أقدر أخرج وكله كوم والستات اللي بيدوني ولادهم وأنا بغني عشان يتصوروا معايا ده كوم ثاني ده واحده إداتني بيبي عشان يتصور معايا والمشكلة إنه كان نايم الولد ياحبة عيني فتح عينه لقى نفسه حضني قام صرخ زي ماتقولي شاف وحش بجد حاجة تقرف
طنط فاطمة:والله يا إبني ما أناعارفة الستات دول بيفكروا إزاي ربنا يهدي شكلك مش عاوز تنام شايفاك بتفتح الكمبيوتر
تامر:لا أنا حدخل على الرابطة أطمن عليها وبعدين أقعد أكتب شويةحاجات
طنط فاطمة:طب ماترتاح لك شوية مش عندك إستوديو بكرة
تامر:آه عندي بس مش جايلي نوم وعندي شوية أفكار لازم أسجلها قبل ماتروح مني
طنط فاطمة:على فكرة صاحبك اللي بيدون القطع الموسيقية جابلك القطع حتلاقيهم
في المكتب
تامر:طيب يا حبيبتي روحي إرتاحي إنتي أنا حشوفهم لما أخلصتامربيفتح الرابطة : يالهوي لو يعرفوا إني بدخل دايما طيب لما أشوف أخباري
الجديدة لحسن الناس دول عاملين زي المخبرين أعطس اروح الاقيهم عملوا توبيك تامر عطس يا ناس وكلو يدخل يدعي بالشفا !
ها أنا خطبت وإتجوزت وسري كمان وعمرو خالد هو الشاهد على عقد الجواز؟؟
ههههههههههه ما يخلوه عرفي بالمرة
تامر قالي بحبك يا ناس : شفت تيمو ومسكت ايدو قلتلو بحبك قالي وانا كمان بحبك يلهوووووووي انا حموت يا بشر تيمو قالي بحبك مش مصدقة يارب دانا اغمي عليا خلاص وكمان ماما اخدتني المستشفى ومرارتي حتفقع .
تامر:ربنا يشفيكي يارب أطلع من هنا لحسن ألاقي نفسي خلفت وأنا مش عارف.
في الإهدائات يا نهار إسود إيه ده (يا تامر أنا حاولت أنتحر 5مرات عشانك
وبعدة طرق بس ربنا مش كاتب مرة شربت ادوية ومرة قطعت شرايين ايدي ومرة حطيت اسيد فالبانيو وجربت اغطس ومرة رميت نفسي من البلكونة بس كل مرة حد بينقذني ايه الحظ الهباب دا وبفكر دلوrتي فالحشيش والبانجو )
يا لهوي هي عاوزة تدخل جهنم وتدخلني معاها ولاإيه
المهم أنا حقفل دلوقتي لحسن البنات دول حيجيبولي الخفيف من الهبل اللي هم فيه.

الساعة 5.00

طنط فاطمة:تيجي نصلي الفجر جماعة يا تامر
تامر:أنا عايز أصليه في الجامع تيجي معايا
طنط فاطمة:لا ياإبني روح إنت ربنا يعلي مراتبك
تامر:طيب يا حبيبتي أنا قايم أغير وأخرج

الساعة 6.50 تامر داخل البيت

طنط فاطمة:إيه يا إبني إتأخرت ليه هو انت بتصلي تراويح
تامر:لا مافيش ياماما بس وأنا خارج من المسجد فيه شوية شباب كانوا
عاوزين يتصوروا معايا فقعدت معاهم ودردشنا مع بعض وبالعافية قدرت اجي ...وإنتي مالك ما نمتيش ليه
طنط فاطمة:أبدا يا حبيبي بس تعبانة شوية ومش جايلي نوم
تامر:إيه تعبانة سلامتك ياماما أما أتصل بالدكتور
طنط فاطمة:لا يا حبيبي شوية برد وحيروحوا لحالهم
تامر:لا إنتي لازم تشوفي دكتور
طنط فاطمة:يا إبني والله مالو لازمة أنا شربت زنجبيل وحبقى كويسة
تامر:زنجبيل إيه يا ماما أنا إزاي ما أخذتش بالي أستغفر الله العظيم ياربي
طنط فاطمة:يا إبني إنت مكبر الموضوع كدة ليه أناححضرلك الفطار وحطلع أستريح وأبقى كويسة
تامر:فطار إيه ياماما راحتك عندي بالدنيا أنا طالع معاكي أوضتك
في الأوضة
طنط فاطمة:فاكر يا تامر أيام زمان
تامر:وهي ده حاجة تتنسي فاكرة يا ماما لما كنت انط على السرير انا وحسام ومرة وقع بينا وعملتيلنا عقوبة نغسل الأطباق كل يوم لمدة 10أيام
طنط فاطمة:هههههه يا ولاد الايه انت وهو طول عمركوا مجننيني بالعمايل للي بتعملوها
تامرفي حضن أمه: عارفة يا ماما أنا نفسي أعمل عمل خير ويفضل من بعدي
طنط فاطمة:بعد الشر عليك ليه كده ياإبني
تامر:ماحدش حيدوم فيها ياماما ونفسي أعمل حاجة تخلينى فرحان يوم ماقابل ربنا
طنط فاطمة:ربنا ينولك اللي في بالك يا إبني ويبعد عنك ولاد الحرام
تامر:أهي دعواتك ده بقى عندي بالدنيا أما أقوم أسيبك تستريحي وأروح أحضر نفسي

طنط فاطمة :طيب يا حبيبي خذ بالك من نفسك
تامر:أنا حاتصل بيكي عشان أطمن عليكي فين تلفونك خليه جنبك
طنط فاطمة :ماتخافش يا حبيبي حكون بخير لا إلا إلا الله
تامر:محمد رسول الله

تامر بيفطر وبيقلب في أوراق القطع الموسيقية بتاعت الأغاني

تامر :يا نهار إسود إيه ده هو أنا إديتك اللحن كده ده أما أشوف الأغنية الثانية
ده عاوزني أولع في نفسي ماله ده أول مرة يعملها دا لحن توم وجيري دا مش لحن أغنية أما إتصل بيه
تامر:ونايم كمان والله لايق عليك رد جاتك خيبة رد يا إبن
....:ألو مين
تامر:مين يا حلاوتك يا باشا هو أنا قلتلك عايزأطلع ثعابين ولا استحضر أرواح

.....:في إيه يا إبني فهمني مالك
تامر:فيه إيه إنت بتستهبل إنت تقوم دلوقتي ألاقيك في الأستوديو
.....:طب فهمني بس عاوزنى فى ايه انا فى الغردقه
تامر:غردقة الله عالروقان وأنا أعمل إيه دلوقتي هوأنا مش قايلك إن الفرقة لازم تبتدي تدريب النهاردة عشان نبتدي نسجل
.....:آه قلتلي في ايه
تامر:في إيه ؟ يا إبني إنت حتجنني نص القطع لحنها مقلوب باللحن اللي إنت دونته ده
إحنا حنحضر عفاريت مش حنسمع بني آدمين
.....:طب هدي نفسك شوية أشرح لك
تامر:حتشرح لي إيه قلي بس الكاسيت اللي سجلتلك عليه اللحن في الأستوديو ولا عندك في البيت أنا حكتبهم بنفسي
.....: لا ما فيش داعي ياتامر أنا فعلا كنت غلطت في كتابة بعض الأغانيلكن صححتهم ولما جيت لك إمبارح إديتلك النسخة اللي فيها غلطات وخليت النسخة الثانية عندي لكن لما تنبهت لده رجعت ووديتلك النسخة الصحيحة للأستوديو
إتصلت بيك عشان أقولك لقيت تلفونك مقفول
تامر:طيب أنا آسف والله
.....:لا ما أنا عارف كان لازم آخذ بالي أكثر من كدة
تامر:حقك علي ياسيدي أسيبك تكمل نومك
.....:طيب مع السلامة

تامر وصل الأستوديو

حارس الباب: أهلا ياإبني إزيك
تامر:إزيك ياعم متولي عامل إيه صحتك إزيها
حارس الباب :الحمد لله يا إبني على فكرة فيه ولد بقالوا أكثر من5مرات بييجيوبيقعد يستناك من الصبح لليل
تامر:مين ده
الحارس:والله مش عارف لكن على اللي فهمته منه إنه عاوز يسمعك صوته على الله تساعده
تامر:طيب ياعم متولي لو جيه إبقى خليه يدخل

تامر لسة داخل الإستوديو

الحارس:تامر الولد اللي قلتلك عليه أهو جه
تامر:بجد طب خليه يدخل أهلا بيك
الولد:إزيك ياتامر
تامر:الحمد لله وإنت
الولد :الحمد لله بخيرما دمت إنت بخير
تامر:الله يخليك عم متولي قالي إنك جيت كذا مرة
الولد :آه في الحقيقة أنا كل قرايبي بيقولولي صوتك حلو
وعايز حد يساعدني فقلت أقرب فنان للناس هو إنت فحبيت أسمعك صوتي
عشان إذا كان في الإمكان يعني تساعدني ويا ريت أعمل معاك ديو
تامر:من عنيا ليه لا
الولد:طب أسمعك حاجة
تامر:إتفضل تغني بالمايك ولا بلاش
الولد:هوممكن
تامر:آه ممكن ونص
الولد:طيب أنا حغني قارئة الفنجان
تامر:قارئة الفنجان حتة واحدة
الولد:
تامر:طيب يلا
الولد:فحبيبة قلبك ياولدي
ليس لها أرض أو وطن أو عنوان
ما أصعب أن تهوى امرأة يا ولدي
ليس لها عنوان
تامر:طب إستنى وجايبها من الآخر ليه ما تبتدي من الأول
الولد:عشان هي مابتظبشي معايا من الأول
تامر:يعني هي لو ما ظبطتشي معاك في الأول حتظبط معاك في الآخر
]الولد:طب غني معايا عشان أتشجع
تامر:طيب ياسيدي ...جلست والخوف بعينيها
تتأمل فنجاني المقلوب
قالت يا ولدي لا تحزن
فالحب عليك هو المكتوب
يا ولدي قد مات شهيداً
من مات فداء للمحبوب ياولدى

الولد بيغني شوية سكت
تامر بيشاور بإديه عشان الولد يغني

الولد:معلش أصلي بآخذ نفس
تامر:ليه هو إنت لما حتكون بتغني للناس حتقولهم إستنوني شوية لغاية ما آخذ نفس
الولد:طب أعمل إيه
تامر:بص يا سيدي
أنا حقولك تعمل إيه أولا إنت لازم تلعب رياضة حديد وسباحة وجري عشان نفسك يبقى طويل وثانيا
تتدرب عشان تدرس صولفاج عشان تعرف تغني صح لإنك أحيانا بتخرج عاللحن
لكن عموما صوتك جميل مش محتاج إلا شوية تمرين والحاجات اللي قلتلك عليها
الولد:طيب حاضر يا تامر ميرسي أوي
تامر:على إيه أنا لسة ماعملتش حاجة
الولد:بردو اديتني الفرصة وسمعتني أنا ستأذن دلوقتي
تامر:مع السلامة إبقى خلينا نشوفك
صاحب تامر:إنت قلتله صوتك حلو ليه
تامر:أمال كنت عاوزني أقوله إيه إنت عاوزه يروح يعمل في نفسه حاجة وآخذ أنا ذنبه يا سيدي لمايعمل كل الحاجات اللي قلتله عليها ويبقاله نفس يغني بيه أكون أنا إعتزلت