جرس الباب بيرن
طنط فاطمة:حقوم أفتح الباب
تامر : لا كملي اكلك انا حفتح
تامر بيفتح الباب
معجبة :تامر تامر
تامر:ياربي ياربي
حسام:إيه ده فيه حاجة وقعت عل الأرض ولا إيه
طنط فاطمة بتقوم جري:إيه ده إنت عايزة تقتليه ولا إيه ،إنت بخير ياإبني
معجبة:آسفة والله ماكان قصدي
تامر:خير خير مافيش حاجة
حسام:إنت بخير ياتامر
معجبة:آسفة أنا مروحة
تامر:خلاص ياجماعة ماحصلشي حاجة إوعو بس للقزاز يعور حد
معجبة بتعيط ومروحة:آسفة ياتامرأنا عارفة إني مليش حظ
تامر:إستني بس، إنتي مش جاية عشان تقابليني
معجبة:آيوة بس
تامر:خلاص إنسي اللي جرى وإتفضلي إدخلي
معجبة:والله ماكان قصدي ،دانا بقالي يومين باجي والله ده بس من شوقي
تامر:هو إنتي ...
معجبة:آه أنا اللي كنت باجي
تامر:كنت خليتي نمرتك وأنا أتصل بيكي
معجبة:ماهو ماما أخذت موبايلي وكسرت لي الكمبيوتر ورمته من الشباك
تامر:ممممم ليه كدة بس يا.. إنتي إسمك إيه
معجبة:أنا إسمي نسمة
تامر:بصي يانسمة أنا حاجيب لك حاجة تشربيها عشان تروقي كدة وتحكيلي
معجبة:أنا متشكرة أوي إنت بجد بيقولو عنك حاجات كثيربس الحقيقة أحلى بكثيرمن للي انا بسمعه
تامر:الله يكرمك أنا راجع حالا
طنط فاطمة:ها روحت
تامر:لا لسة; والنبي تعالي معايا إديني أي حاجة عشان تشربها
طنط فاطمة:هو ده وقتو بردو
تامر:أرجوكي ياماما بسرعة
حسام:نفسي أعرف بس إزاي خليتك تقع على الأرض هههههههه
تامر:تصدق ولا أنا عارف
حسام:بتقول إيه مش سامعك كويس
تامر:البنت حتسمعنا
حسام:ماتخافش أنا قافل الباب
تامر:بقولك ولاأنا عارف أنا لسة بفتح الباب لقيت حاجة جاية في وشي زي الإعصار لا وايه اسمها نسمة كمان
ماحستش إلا وانا واقع عل الفازا وواقع عل الأرض ههههههههههههههه
حسام:
طنط فاطمة:بتضحك وأخوك كان حيروح فيها
حسام:وأناأعمل إيه إذا كان صاحب الشأن نفسه بيضحك
تامر:إحنا حنرغي كثير ونسيب البنت لوحدها
معجبة:آسفة تعبتك معايا
تامر:تعبك راحة ياستي ها إحكيلي مامتك عملت معاكي كدة ليه
معجبة:مافيش بس أنا قلتلها أنا عايزة فلوس عشان أروح أشتري تذكرة الحفلة بتاعتك
وهي ركبها مية عفريت
تامر:ممممم ماهو ممكن مايكونش معاها ثمن التذكرة
معجبة:لاإحنا ميسورين والحمدلله بس ده عشان تعاقبني أصلي سقطت في ثانوي
تامر:تصدقي أنا لو كنت عملت كدة كانت أمي رمتني من الشباك
مع الكمبيوتر
معجبة:ماهي كان شوية وحتعمل كدة عشان كدة أنا هربت من البيت
تامر :يانها ر إسود(ايييييوا هو دا وديني فداهية وديني )طب رحتي عند مين ؟
معجبة:عند واحدة صاحبتي
تامر:قوليلي بس في واحد عاقلة تعمل كدة
معجبة:أنا عارفة إني غلطانة بس مابقيتش قادرة أستحمل نرفزة أمي عليا
تامر:طب هي عارفة إنتي فين
معجبة:لا أنا نبهت على صحبتي ماتتصلشي بيها
تامر:كمان (ياصبرأيوب ياربي) على فكرة ده مش كويس خالص إديني نمرة
تلفون مامتك عشان أتصل بيها
معجبة :لالا أنا مش عاوزة أرجع البيت
تامر:طب حتعملي إيه قوليلي ;إديني النمرة ولا حزعل منك
معجبة:لا أنا مقدرش على زعلك النمرة أهي
تامر:ثواني بس أنا راجع،ماما أنا حطلب منك طلب
طنط فاطمة:إيه يا إبني
تامر:إطلبي النمرة ده وإدي للست ده العنوان وقوليلها تيجي تاخذ بنتها
طنط فاطمة:طب إيه الحكاية فهمني
تامر:ححكيلك بس بلاش تتنرفزي وإعملي في البنت الخير ده
تامر خلص الحكايةلأمه
طنط فاطمة:يا لهوي ياإبني ده مصيبة
تامر:إن شاء الله يكون خير بس إتصلي بسرعة خلصينا
طنط فاطمة:يا رب يفوت اليوم ده على خير
بعد ربع ساعة جرس الباب بيرن
طنط فاطمة:أهلا بيكي
أم معجبة :آسفين على إزعاجكم والله البنت ده حتجنني
طنط فاطمة:لا إزعاج ولا حاجة أنا مقدرة موقفك
أم معجبة:هي فين دلوقتي
طنط فاطمة:بتتعشى جوة
أم معجبة:وليها نفس تاكل يا قلبها يا ختي
طنط فاطمة:أنا حناديها
أم معجبة:تعالي هنا يا مفعوصة الرقبة كدة بردو دايما مصغراني قدام الناس
حسام:يالهوي ده زرعتها قلم جميل أوي
تامر:مش كدة يا فندم بالراحة الأمور مابتتعالجش كدة
أم معجبة:ده مش أول مرة تعمل فيا كدة ياإبني ;لا وإيه قالبالي
البيت معرض من كثر صور المطربين إيشي إنت وإيشي حماقي وإيشي عمرو ويا ريتها كانت فالحة في حاجة ;ده بتاخذ السنة في سنتين أنا خلاص غلبت معاها وغلبت أداري عليها أنا حكلم أبوها عشان
يجي يشوف لي صرفة معاها.
تامر:طيب ممكن كلمتين على إنفراد
ام معجبة:راجعالك إما وريتك وخليتك تشوفي الموت نعيم مبقاش أنا
تامر:هو أبو البنت فين
أم معجبة:بيشتغل في الخليج يا إبني وأنا طول النهار واقفة على رجل
في البوتيك أقولها تعالي سعديني ماترضاش ،والله يا إبني لو طلبت لبن العصفور
أجيبهولها بس هي تنتبه لدراستها.
تامر:إسمحيلي حقولك كلمتين بنتك مش محتاجة لبن العصفورولابيض ديناصور بنتك محتاجة حضن يضمها،وأذن تسمع لها والحاجات ده لو مالقتها ش جوة البيت حدور عليها برة فيا ريت تتقربي منها وتحاولي تسمعيها وأنا متأكد إنها حتتغير.
أم معجبة يكون خيرياإبني ححاول إن شاء ا لله .
تامر:وبالمناسبة ده أنا عازمكم على الحفلة اللي حعملها الأسبوع الجاي إديني بس العنوان والدعوات حتوصلكم لغاية البيت .
أم معجبة:طيب ياإبني أنا آسفة أوي ومتشكرة جدا
معجبة:ميرسي ياتامر بجد بجد مش عارفة أشكرك إزاي
تامر:حتشكريني بجد لو جبتي مجموع كويس ومتوقعنيش عل الأرض المرة الجاية
أم معجبة:هي وقعتك عل الأرض المجنونة ده
تامر:لالالا ده بس نكتة حكتهالي خلتني واقع عل الأرض من الضحك
أم معجبة:ما أنا عارفاها معندهاش دم زي أبوها, أنا عمال أعيط عشانها وهي عمالة تضحك
تامر:لا لا ما تقوليش كدة هي بس طالعة دمها خفيف لأمها
حسام:
معجبة:
أم معجبة :كلك ذوق ياإبني مع السلامة تصبحوا على خير
تامر:وإنتي من أهله
حسام:ده إنت داهية
تامر:وكنت عاوزني أقوها إيه لو كانت عرفت الحقيقة كانت حتلطشها قلم ثاني ومش
حنخلص.
على كدة تامر خلاص بيقولكو أشوفك على خير يا حسام في يوم الحفلة إن شاء الله ....
الأحد نوفمبر 30, 2008 11:30 pm