يوميات تامر مع المعجبين...(الحلقة١).

السلام عليكم ورحمة الله
الهدف من التوبيك ده مش إن احنا نضحك وبس
الهدف من التوبيك هو إن احنا نعكس صورة كل واحد فينا
ونشوف إذا كنا بنتصرف غلط ولا صح
التوبيك جمع أحداث مترابطة عشان نرسم صورة لإنسان
كثير من معجبينه مش عاوزين يشوفوا غير صورة المطرب
اللي أعصابه لازم تكون من حديد عشان يعرف يرضي جميع الأطراف
التوبيك ده مهدى لكل فرد شايف نفسه بطل من أبطال السلسلة اللي حتتقدم على
شكل حلقات كل مرة مع عضوة مختلفة على التوالي واللي هن الأمة الضعيفة


مش عايزين نزعل حد لإننا عايزين نصلح أخطائنا وإحنا متصالحين مع نفسنا
فياريت نكون ضيوف خفاف عليكم وأسيبكم مع الحلقة الأولى من سلسلة
يوميات تامر مع معجبينه
وإعتذار خاص لأي حد إتكلمنا بإسمه وأولهم تامر ;طنط فاطمة;حسام وكل فرد حقيقي حيدرج إسمه في التوبيك
دمتم بود.

تامر:الله أنا حاسس إني مانمتش بقالي عشرسنين
حسام:ماهو إنت اللي ما بترضاش تنام كل مايكون عندك حفلة لا و كله كوم
و المعجبات دول كوم ثاني ،إحمد ربنا إنهم ماقطعوكش حتت
تامر:ده في وحدة خربشت كتفي بظوافرها تقولش نسر
حسام : هههههههه و من الحب ما خربش
تامر:هههههه على رأيك
حسام: طيب يا عم إحنا وصلنا أهو.
تامر:الحمد لله ألحق أناملى ساعتين
حسام:يلا تصبح على خير وسلملي على أمي
تامر:يوصل بوس لي سلمى وتامر
حسام:أبوس هم لك الساعة 4الصبح ماشي يا عم ما تنساش التصوير بكرة الساعة 8الصبح.
تامر:حاضر حاضر يلا سلام عليكم تامر:مساء الخير ياحجوجة
طنط فاطمة:قول صباح الخير إحنا بقينا وش الفجر
تامر:دماغي يا أمي دماغي
طنط فاطمة:مالك يا حبيبي سلامتك
تامر:دماغي مصدعة أوي
طنط فاطمة:ماهو إنت كمان بترهق نفسك أوي ،أماأقوم أجيب لك حاجة تهدي بيها الصداع.
تامر:لالا مالوش داعي دلوقتي أبقى كويس،أنا حروح أتوضأ عشان نصلي الفجر جماعه
طنط فاطمة:حاضرربنا يعلي مراتبك ويكرمك كمان وكمان .

بعد الصلاة
تامر:حرما ياأمي
طنط فاطمة:جمعا يا حبيبي
تامر:تعرفي يا أمي أنا نفسي إيه
طنط فاطمة:نفسك في إيه يا حبيبي
تامر:نفسي أحج وياكي
طنط فاطمة:إن شاء الله يارب ،وتعرف أنا نفسي في إيه

تامر:في إيه أمري طلباتك أوامر
طنط فاطمة:نفسي أشوف ولادك
تامر:إن شاء الله يا حبيبتي بس إنتي إدعيلي

التلفون بيرن
طنط فاطمة:مين حيرن عليك الساعة دى
تامر:مش عارف إستني أما أشوف ، ألوأيوة
معجبة:ياي هو هو صوته والله يا ماما هو
تامر:ها ماما مين معايا
معجبة:إلحقوني ياناس هوهو حيغمى عليا
تامر:ألومين
الخط قفل.
طنط فاطمة:مين يا تامر.
تامر:والله مش عارف واحدة بتعيط وشكلها حيغمى عليها باين كانت عايزة تطلب الإسعاف وغلطت في النمرة:[
طنط فاطمة:آه عليك يا بكاش شايف إنت عامل إيه في البنات ما تتجوز يا إبني
تامر:وأنا أعمل إيه إذا كان إبنك طالع قمر لأمه
طنط فاطمة:هههههه دايما غالبني.
تامر:ماعاش اللي يغلبك أنا رايح أنام
طنط فاطمة:طب أصحيك الساعة كام
تامر:نامي إنتي أناحاضبط المنبه عندي تصوير الساعة 8
طنط فاطمة:لكن دلوقتي الساعة4:45يعني ياذوب حتغمض عنيك
تامر:ده إذا غمضتهم تصبحي على خير.
طنط فاطمة:وإنت من أهله ياربي إحفظه من كل شر وإبعد عنه ولاد الحرام.

الساعة 5:46 التلفون بيرن
تامر:ياه هي الساعة لحقت دنا لسة مغمضـالله ده مكالمة،ألو مين
معجبة:ألو ألو
تامر:أيوة مين
معجبة:إنت تامر
تامر:أيوة أنا مين معايا
معجبة :أنا اللي إتصلت بيك من شوية
تامر:آه(يعني أعمل فيها إيه ده )لكن قطعتي
معجبة:آه أصلي ماصدقتش وأغمى عليا
تامر:ليه بس
معجبة:أصلي بقالي بقالي
تامر:بقالك إيه(خلصينا أبوس إيدك أنا عايزة أنام)معجبة:بقالي ثلاث سنين بدورعلى نمرتك

تامر:آه(يعني وما تلقهوش إلا دلوقتي حبكت يعني 6الصبح)ياحبيبتي
معجبة:تامر أنا بحبك أوي
تامر:وأنا كمان معجبة:ياي ماما ده قلي بحبك
تامر:ههههه ومالك مرتبكة كدة
معجبة:أنا أنا
تامر:إنتي إيه ألو
الخط قفل .

تامر: علي النعمة البنات دول حيجنونني أما أقفل الموبايل لحسن أروح بكرة بعد الظهر.

الساعة 9.
حسام:صباح الخير ياعم قوم يالله الناس مستنيينك
تامر:هي الساعة كام المنبه لسة مرنش حسام:مارنش ده إنت اللي باين عليك قفلته يلا قوم
تامر:والله ماحسيت أما أقوم أغسل
وشي حسام:يلا ياخفيف المخرج حيولع فيك

طنط فاطمة:طب إستنوا تفطروا
تامر:مافيش وقت ياأمي أناحاخذ أي حاجة لما أوصل إن شاألله.
حسام:يانهار إسود فيه فوج من الشباب جاي ناحيتنا،يا الله نط في العربية لحسن يقفشوك.
تامر:متأخر أوي يا باشا قفشونا خلاص

معجب(1):تامرتامرممكن صورة
تامر:أوي أوي
معجب2):وأنا والنبي
تامر:عنيا

معجب(3):إستنى بس دقيقة أفتح موبايلي
تامر:مافيش مشكلة إتفضل
حسام:يا تامر خلصنا المخرج بيتصل.
تامر:طيب حاضرثانية واحدة
معجب(3):الموبايل فتح تسمح تعملي صورة يا أبيه حسام
حسام:آه ومالو معجب(3):وريني يالهوي أنا طلعت وحش ممكن بس أعيد الصورة
تامر: ومالو بس بسرعة عشان عندي تصوير والناس بتستنى
معجب(3):لا خلاص ده وبس إتفضل يا حسام
حسام:طيب إبتسم المرة ه عشان تطلع حلو
تامر:معلش يا جماعة والله ما حاأقدر أتأخر أكثر من كدة
معجب(4):هو فاكر نفسه مين ؟
معجب(5):معلش تلاقيه عنده موعد ولا حاجة.
حسام:إيه يا إبني إنت فاكرها طيارة سوق بعقل العربية حتولع
تامر:مش إنت اللي قلت المخرج مولع حسام:مولع آه بس ماتودناش في داهية أنا ورايا عيال.
تامر: لا ما تخافش إنت بين أيادي أمينةالساعة10.00
المخرج:مابدري يا باشوات ، وتاعبين نفسكم ليه
تامر: معلش المسامح كريم حقك علياالمخرج:يالله نبتدي ،في اليوم اللي مش باين له أول ده
الساعة16:00
تامر خلص تصوير وراجع البيت
حسام:أنا حركن هنا أجيبلك حاجة تاكلها إنت من الصبح ما أكلتش حاجة
تامر :والله أنا حموت من الجوع روح بس ما تتأخرش.
حسام راجع: إيه هو في إيه حد عمل حادثة ولا إيه ،الله الله الله ده تامر
حسام:تامر تامر
تامر: آيوة إستنى بس
حسام :إتصال لازم نروح بسرعة
تامر:طيب يا جماعة آسف إنتو شايفين أخويا بيقولي في حد طالبني لازم أروح بسرعة أشوفكم في الحفلة إن شاء الله.معجبة:بموت فيك ياتامر
تامر:الله يكرمك وأنا كمان
معجبة:ياي قلي وأنا كمان
تامر:مين اللي إتصل
حسام:ما فيش أنقذتك بس من الموقف اللي كنتي فيه أنا مش بقولك ماتخرجش من العربية.
تامر:هو أنا هوبت ناحية الباب ،ده فيه بنت ركنت جنبي شافتني جات تسلم علي،
أنا إنكسفت قلت أخرج من العربية أسلم عليها عيب أسلم عليها وأنا جوة.أنا خرجت من هنا والناس إتلمت من هنا. حسام:يا حنين طيب إتفضل كل بصحتك
التلفون بيرن
تامر:بتعرف النمرة ده حسام:ده نمرة دولي
تامر:ما أنا شايف إنها دولي بتعرفها يعني
حسام:لا معتقدش
تامر:طيب،ألو
معجبة:ألو صباح الخير
تامر:ههههههههه طب قولي مساء الخيرإحنا بقينا بعد الظهر
معجبة:آسفي ماخدتش بالي أصل إحنا عندنا الساعة عشرة الصبح إنت تامر حسني
تامر:أنا هو إنتي إسمك إيه
معجبة: أنا إسمي رولا
تامر:إسمك جميل
معجبة:كلك ذوق،أنا أنا مو مصدقة إني بحاكيك:تامر:لاصدقي مين إدالك النمرة
معجبة:واحدة صحبتي من الرابطة إنت تعرفها
تامر:هي مين
معجبة:تامر لافرز
تامر:هههههههه إفتكرتك بتكلميني عن صحبتك ،آه طبعا دول ملايكتي
معجبة:هنيالهم بتحكي عنهم هيك إنت راح تيجي عأمريكا صح
تامر :إن شاء الله ربنا يسهل
معجبة :عن جد حتكون حفلة فظيعة
تامر:إنتي لهجتك مش مصرية
معجبة:لا أنا سورية بس الظاهر إني لازم أتعلم مصري مشان تفهم علي
تامر:الله يكرمك
معجبة:على فكرة أنا نازلة مصر قريب وحابةأشوفك ممكن
تامر:إنتي تشرفي
معجبة:ياي بجد إنت فضيع أي هوب سي يو سون
تامر:إن شاء الله
معجبة:طيب انا لما ححجز حاتصل بيك مشان أقولك و أقابلك أوكي
تامر:آه ومالو إنتي تشرفي معجبة:طيب أوكي باي
تامر:سلام عليكم
حسام :مين؟
تامر:حيكون مين يعني معجبة
حسام:ومالك بتقولها وكأنك كلمت أبو الهول
تامر:لاما فيش بس
حسام :بس إيه
تامر:الشغلانة ده قد ما بتحبب الناس فيك قد ما بتتعبك
حسام :ضريبة الشهرة مافيش حد بياخذها بالساهل
تامر:معك حق
التلفون بيرن
تامر: رد إنت يا حسام
حسام:مش عاوز ترد
تامر:لا بس وداني حتتخرم من كثر الكلام في الموبايلحسام:طيب ألو
معجبة :آلو آيوة إنت تامر
حسام:لا أنا مش تامر
معجبة:يعني ضحكوا عليا من ثاني حسبي الله ونعم الوكيل فيهم
حسام:هدي نفسك بس
معجبة:أهدي نفسي إزاي يا أخينا إنت ،ده النمرة 40اللي بتصل بيها وتطلع غلط
يالله سلام
الخط قفل
حسام:سلام
تامر: مالك مبلم كدة حسام ده كانت حتولع فيا
تامر: تعيش وتاخذ غيرها ،ده أعصابك لازم تكون مثلجة عشان تقدر تتعامل مع كله واحد على حدة.
حسام:والله أنا مش عارف إنت بتستحمل كل ده إزاي مع إنك عصبي
تامر:منحة ربانيةههههههه حنبتدي نقر ولا إيه
حسام:ههههههههههههههههه يالله إنزل خليني أروح أشوف ولادي
تامر:ماتجيبهم وتيجي نتعشى سوى بالليل حسام :حاضر حشوف يالله سلام أنا بس حدخل أجيب عربيتي
تامر:ياعم إحنا حنتحاسب خليك في عربيتي عشان أضمن إنك جاي بليل
حسام:ههههههه طيب حاضر سلام عليكم.تامر:مع السلامة
طنط فاطمة:إنت جيت يا حبيبي
تامر:آه يا أمي إزيك ياحبيبتي
طنط فاطمة:بخير ياإبني أحضر لك الغذا
تامر:غذا إيه يا أمي أنا لسة فاطر وأنا جاي في العربية
طنط فاطمة:من إمبارح ياإبني حرام عليك صحتك
تامر :ماكنش في وقت يا أمي المهم أنا طالع آخذ شاور وأصلي ونام شوية
آه نسيت حسام حيجي يتعشى معانا هو مراتو إبقوا حضروا العشا بدري عشان الولاد
طنط فاطمة:حاضر ياإبني قبل ما أنسى فيه واحدة جات إمبارح والنهاردة ثلاث مرات
وكل مرة أقولها سيبي نمرتك وهو حيكلمك ماترضاش
تامر:ماقلتش إسمها إيه طنط فاطمة:لا يا إبني ماسألتهاش الصراحة تامر :طيب لما يجي حسام إبقي صحيني وأنا حاشيل الفيشة بتاع تلفون أوضتي أي حد يكلمني قوليله نايم أصلي تعبان أوي طنط فاطمة:طيب حاضر يا حبيبي .
موعدنا مع أحداث ثانية من يوميات تامر مع المعجبين إلى ذلك الحين نتمنى لكم
أياما سعيدة